बुलाकी शर्मा राजस्थान
राम नांव री महिमा अपरंपार है। राम नांव लिख्योड़ा पत्थर समंदर में तिरण लागै। रामजी रो नांव लियां भवसागर पार करीज जावै जणै स्कूल, कॉलेज वैâ विश्वविद्यालयां रा इम्तियान रामजी रै नांव सूं पार करावण में अड़चन घालण री गलती करण री हिम्मत कुण कर सवैâ। नमन है उत्तर प्रदेस रै स्हैर जौनपुर री वीरबहादुर पूर्वांचल यूनिवर्सिटी रा रामभगत छात्रावां नै। धरम धरा रा धरम परायण सज्जनां अर देवियां नै आं रामभगत छात्रां सूं प्रेरणा लेवणी चाइजै।
इण यूनिवर्सिटी रै फार्मसी विभाग रा केई छात्र रामजी री भगती में रम्योड़ा है। इम्तियान रै दिनां में दूजा छात्र कोर्स री किताबां सूं त्यारी करनै माथो दुखावण में लाग्योड़ा रैया पण अे बस राम नांव जपता रैया- ‘रामजी करैला बेड़ो पार, उदासी मन काहे को डरै।’ इम्तियान देंवती बेला भगती भाव सूं बां कापियां में सवालां रो अेक ई जवाब दियो- ‘जय श्रीराम… पास कर दिया।’
छात्रां जियां ई बां रा प्रोफेसर साब राम भगत। छात्रां री कापियां जांचतां जद बां सवालां रै जवाब में ‘जय श्रीराम’ बांच्यो, तद बांरो मन आपरै शिष्यां री भगती भावना सूं गदगद हुयग्यो। रामजी रो सुमिरण करतां बां जीव- सोरै सूं आपरै भगत शिष्यां नै चोखै नम्बरां सूं पास करिया।
पण वैâया करै है नीं वैâ भगतां री भगती में विघन घालणिया कुचमादी कुचमाद करण नै त्यार रैया करै। विघन-संतोसी छात्रां आपरै आं रामभगत भायलां री यूनिवर्सिटी में शिकायत करी जणै दूजा प्रोफेसरां सूं रामभगत छात्रां री कापियां रो दुबारा मूल्यांकन करायो गयो।
रामभगतां रा दुसमी ई इण दुनिया में ई बसै। दुबारा मूल्यांकन करणिया प्रोफेसर रामभगत छात्रां री कापियां पाछी जांची अर ‘जय श्री राम’ लिख्योड़ा जवाबां नै गलत मानता बां नै फेल कर न्हाख्या। छात्रां नै चोखा नंबर देवणिया ल्याई रामभगत प्रोफेसरां नै ई यूनिवर्सिटी रा कुलपति कार्य मुगत करण रो पाप करियो।
इण गलत अर अधरमी पैâसलै सूं राम भगतां रै मन में भोत नाराजगी है बतावै। बां रो वैâवणो है वैâ यूनिवर्सिटीज डिग्रियां ई तो बांटै, बे किसी कोई सरकारी नौकरी देवै। लाखूं युवा थोक रै भाव डिग्रियां भेळी करियोड़ा बेरोजगारी सूं बाथैड़ो कर रैया है। ल्याई आं राम भगत छात्रां नै फेल अर राम भगत प्रोफेसरां नै कार्य मुगत करण रो जिका अधार्मिक पैâसलो करियो है, बां नै अजोध्या में बिराजित रामलला जी पक्कायत दंड देसी अर आं भगतां ऊपर चोखी किरपा बरसासी।