बुलाकी शर्मा राजस्थान
आखी दुनिया रा क्रिकेट खिलाड़ी बाजार में ऊभा है। बां ऊपरां बोली लाग रैई है, बियां ई जियां धान मंडी में गेहूं, बाजरी, मूंग, मोठ आद खाद्य सामग्री री लाग्या करै। सेलिब्रिटी बाजणिया क्रिकेटर खुल्लै खाळै बिकण सारू त्यार है। बाजारवाद रै इण जुग में मिनख वस्तु बणग्यो है। वस्तु री उनमान बो खरीददार नै उडीक रैयो है। चोखै दामां में बिकण सारू त्यार रैवै।
दूजी नांवचीन हस्तियां ई बिकण नै उडीवैâ पण बे गुपताऊ तरीवैâ सूं बिवैâ। खुल्लै-खाळै बिकण सूं बचै। बिकण पछै ई बे लोगां में ओ भरम बणायो राखै वैâ बै अणमोल है। बां नै कोई खरीद नीं सवैâ। बे आपरै उसूलां ऊपरां अडिग है। बां नै खरीदणियो इण भोम ऊपरां हालै कोई जलमियो ई कोनी।
पण आईपीअेल रो बाजार सगळा भरम तोड़ण में लाग्योड़ो है। बरसां सूं बो क्रिकेटरां री नीलामी करावै। बांरो बेस प्राइस राखै। प्रâेंचाइजी कंपनियां चीज-बस्त उनमान बांरी जांच-परख करै। आपरी कुंत मुजब बोली लगावै अर बांनै खरीदै। सेलिब्रिटी बणिया क्रिकेटर बिक’र लाज नीं, गीरबो मैसूस करै। किणी क्रिकेटर नै कोई खरीददार नीं मिलै तद बीं री हालत बीं विधायक जिसी हुय जावै जिको मंत्री पद री उम्मीद में आपरी पार्टी छोड’र सत्ताधारी पार्टी रो डंडो अर झंडो झालै पण कोर्ट दलबदल रो दोसी मानता थका बीं नै विधायक पद सूं मुगत करण रो आदेस सुणाय देवै।
राजस्थानी में वैâवत है- रूपली पल्लै तो रोही में ई चल्लै। रुपिया पैंâको अर तमाशो देखो। खरीद करणियो पक्को व्यापारी हुवै। फायदो बो पैला देखै। आईपीअेल बाजार तो सट्टा बाजार सूं ई आगै है। बे ही क्रिकेटर जिका टीवी माथै दूजी कंपनियां रा आइटम खरीदण सारू विग्यापन करै अर अठै खुद आइटम बणनै बिकै। बोली लगावणियै सारू बे सेलिब्रिटी नीं, फकत अेक आइटम है। बो बीं माथै बोली लगावै जिकै नै लियां बीं री टीम जीत सकै अर लगायोड़ा रूपियां सूं बो सांतरी कमाई कर सकै।
बिकणो सोरो कोनी। मजदूरां नै मजबूरी में बिकणो पड़ै। आपरी मजूरी बेचण सारू दिन ऊगतां ई बे बाजार में ऊभा हुय जावै। बांनै खरीददार मिल्या बां रै घर रो चूल्हो चेतन हुवै। सेलिब्रिटी क्रिकेटर मजबूरी में नीं, पइसा कमावण सारू बिकै। जिको जित्तै ऊंचै दामां में बिकै, बीं रो स्टेटस ई बित्तो ऊंचो बाजै। बिकण सारू लोग ऊभा है। बोल्यां लाग रैयी है। सौदेबाजी हुय रैयी है। लोग बिक रैया है। बिकणिया हरखीज रैया है। बाजार में ऊभा कबीरदास जी उदास भाव सूं देख रैया है।