रौबीलो राजस्थान: नेताजी री जीत रो जळसो

बुलाकी शर्मा राजस्थान

टीवी माथै चुनावां रो रिजल्ट बतायो जा रैयो है। भाईसा टीवी स्क्रीन माथै टक-टकी लगायां रिजल्ट सुण रैया है। भाईसा री खासियत है वैâ बे दूजां सूं पत्ता खोलाय लेवै पण खुद रा पत्ता दूजां साम्हीं भूल’र ई कोनी खोलै। बंद मुट्ठी लाख री अर खुलगी जणै खाक री! संगी-साथी राजनीतिक चर्चावां करता रैवै। पार्टियां अर उम्मीद‌वारां रै पख वैâ विरोध में खुलनै आपरी बात राखता रैवै पण भाईसा बां बिचाळै मूनी बाबो बण्या चुपचाप सुणता रैवै।
भायला चिड़नै वैâवै ई वैâ भाईड़ा मूंडै में मूंग घाल्योड़ो-सो कियांं बैठ्‌यो है, कीं तो बोल। भाईसा रो पड़ूत्तर हुवै, ‘थे सगळा हार-जीत रा समीकरण जमा रैया हो नीं… थांनै सुणनै म्हारो ग्यान बधा रैयो हूं नीं।’
‘आपांरै अठै थूं किण रै सपोर्ट में है? थारै हिसाब सूं कुण जीतणो चाइजै?’
भाईसा रो टको-सो जवाब, ‘म्हारै सपोर्ट रो कांई बंटै भाया। जिवैâ नै जनता जितासी, बो ही जीतसी।’
भाईसा सुणन में पक्का पण जवाब देवण में साव माठा। मून धारियां राखै। मून रैवण रो सबसूं मोटो फायदो ओ है वैâ मौवैâ रै हिसाब सूं बी नै समर्थन रै खाते में ई दर्ज करायो जा सवैâ अर विरोध रै खाते में ई।
अबै मौको सामनै दीख रैयो है। चुनावां रो रिजल्ट आय रैयो है। बां नै आपरै हलवैâ रै रिजल्ट नै लेय’ र उत्सुकता है वैâ कुण जीतसी। अड़ी में बो ही आडो आवणो है। बीं री हाजरी भरियां ई काम सरणो है।
जियां ई बांरै हलवैâ रै उम्मीद‌वार री जीत‌ण री खबर आई, तुरता-पुâरत बां टीवी स्विच ऑफ करियो, कपड़ा बदळ्या अर मोटर साइकिल स्टार्ट करनै घर सूं बारै। रस्तै में माळावां, गुलाल अर बीं पार्टी रो दुप्पटो खरीदियो। दुप्पटो गळै में लपेट्यो अर माळावां अर गुलाल रो पैकेट हैंडल रै टांग’र सीधा पूग्या नेताजी री पार्टी रै कार्यालय। पैला सूं ई बठै जीत रो जळसो लाग रैयो हो। नेताजी री जीत रा नारा लाग रैया हा। भाईसा नेताजी रा खास कार्यकर्तावां साम्हीं हाथ जोड़-जोड़‌नै बधायां देयनै गुलाल लगाई अर आं नै ई माळावां पैरायनै नचींता हुयग्या वैâ आं री निजर में बे आयग्या है। नेताजी रो विरोध अर हारण री घोषणा करणियां बां रा संगी-साथी ई जळसै में ‘जीत गया भई जीत गया हमारा नेताजी जीत गया’ रा नारा पूरै जोश में लगा रैया हा। भाईसा मुळकनै आपरै भायलां साम्हीं देख्यो अर सगळां साथै बे ई नारा लगावण लागग्या।